Kókshetaýda turǵyndar sýǵa kete jazdaǵan balany aman alyp qaldy
KÓKShETAÝ. QazAqparat - Kókshetaýda jergilikti turǵyndar Qylshaqty ózenine sýǵa ketkeli jatqan balany aman alyp qaldy, dep habarlaıdy QazAqparat.
Balany qutqarý sharasy Instagram jelisindegi kokshevideogram degen ataýmen jarııalandy.
Muz jarylyp sýǵa túsip ketken balany qutqarýǵa birneshe jigit kirisken. Olardyń biri sýǵa ketkeli jatqan balaǵa arqan laqtyrsa, taǵy ekeýine muzdy sýǵa túsýine týra keldi.
Abyroı bolǵanda jigitter oqıǵa ornyna der kezinde kelip, bala din aman qutqaryldy. Qaterli iske bel býǵan jigitterdiń kim ekeni ázirge belgisiz. Alaıda jeli qoldanýshylary olardyń áreketin naǵyz erlik dep baǵalap, olardy mindetti túrde marapattaý qajet degen pikirde.
«Qutqarýshylardyń kimder ekenin jarııalańyzdar, men olarmen bir qalada turatynymdy maqtan tutamyn»,-dep jazady jeli qoldanýshylardyń biri.
«Jaraısyńdar jigitter, sender naǵyz er azamatsyńdar! Mine, osyndaı jigitterdi úlgi tutyp, olardy mindetti túrde marapattaý qajet»,-dep jazady taǵy bir jeli qoldanýshy.
