Kókshetaýda turǵyn úıden shyqqan órtten 17 adam evakýatsııalandy
KÓKShETAÝ. QazAqparat – Kókshetaýda kópqabatty turǵyn úıdegi páterden órt shyqty. 17 adam evakýatsııalandy, onyń 5-eýi — bala, dep habarlaıdy QazAqparat tilshisi Aqmola oblystyq TJD baspasóz qyzmetine silteme jasap.
Vedomstvonyń málimetinshe, órt naýryzdyń 23-inde saǵat 08:33-te «Saryarqa shaǵyn aýdany, 14/5» mekenjaıynda ornalasqan 3-páterde boldy. Toǵyz qabatty turǵyn úıdiń 1-shi qabatynda tutanǵan órttiń jalpy aýmaǵy 16 sharshy metrdi qurady. Tilsiz jaýdy aýyzdyqtaýǵa TJD jeke quramynan 15 adam jáne 3 arnaıy tehnıka, jergilikti polıtsııa qyzmetinen 2 adam jáne 1 tehnıka, jedel járdem qyzmeti brıgadasynan 3 adam jáne 1 tehnıka jumyldyryldy. Órt saǵat 08:40-ta aýyzdyqtalyp, 08:43-te sóndirildi.
«Órtten 17 adam evakýatsııalandy, onyń 5-eýi — bala. Opat bolǵandar men zardap shekkender joq. Órttiń sebebi anyqtalýda», - dep túsindirdi vedomstvodan.
