Kókshetaýda turǵyn úıden órt shyqty
KÓKShETAÝ. QazAqparat – Kókshetaýda qospáterli turǵyn úıden órt shyqty, dep habarlaıdy QazAqparat tilshisi.
Aqmola oblystyq TJD baspasóz qyzmetiniń málimetinshe, órt búgin saǵat 14:12 shamasynda Áýezov kóshesi, 219 mekenjaıynda ornalasqan úıden shyqqan.
«Tilsiz jaýdy aýyzdyqtaýǵa aýmaqtyq TJD jeke quramynan 20 qyzmetker men 5 arnaıy tehnıka jumyldyryldy. Órt aýmaǵy 100 sharshy metrdi qurady. Saǵat 14:22-de órt tolyq sóndirildi», - dedi TJD baspasóz hatshysy Dınara Esenbaeva.
Vedomstvodan atap ótkendeı, órtten zardap shekkender men mert bolǵandar joq. Qazirgi kezde órttiń sebebi men saldary anyqtalyp jatyr.
