Kókshetaýda turǵyn úı qurylysy jandanyp keldi
KÓKShETAÝ. QazAqparat – Kókshetaýda turǵyn úı qurylysy jandanyp keledi. Bıylǵy jyldyń on aıynyń qorytyndysy boıynsha qurylys jumystarynyń kólemi 33,3 mıllıard teńgeni qurady. Bul týraly óńirlik kommýnıkatsııalar qyzmetinde ótken brıfıngte qala ákimi Amangeldi Smaıylov aıtty, dep habarlaıdy QazAqparat tilshisi oblystyq ishki saıasat basqarmasyna silteme jasap.
Brıfıngte qala basshysy 2020 jyldyń 10 aıynyń qorytyndysy boıynsha áleýmettik-ekonomıkalyq damý qorytyndylary men alǵa qoıylǵan mindetterge toqtaldy. Qala basshysynyń sózinshe, esepti kezeńde 153,6 myń sharshy metr turǵyn úı paıdalanýǵa berilgen. Onyń ishinde 29,803 sharshy metr 21 jeke turǵyn úı. Jyl sońyna deıin taǵy 57,6 myń sharshy metr turǵyn úıdi paıdalanýǵa berý josparlanǵan.
«Ótken jyly «Nurly jer» memlekettik baǵdarlamasy sheńberinde jalpy aýdany 32 051,8 sharshy metr bolatyn 17 kóp páterli turǵyn úı paıdalanýǵa berildi. Onyń ishinde 6 turǵyn úı halyqtyń áleýmettik jaǵynan osal tortaryna arnalǵan. Bıylǵy jyly 8 nesıelik jáne 6 jaldamaly kóppáterli turǵyn úılerdiń qurylysy júrigizilýde. Jalpy, bıylǵy jyldyń on aıynyń qorytyndysy boıynsha qurylys jumystarynyń kólemi 33,3 mıllıard teńgeni qurady», - dedi qala basshysy.
Brıfıngte aıtylǵandaı, «Aqmola jastary» baǵdarlamasy sheńberinde turǵyn úı kezegine turǵandarǵa arnalǵan Kóktem shaǵynaýdanynda bes qabatty turǵyn úı salynýda. Sonymen birge, medıtsına qyzmetkerleri arnalǵan bes qabatty turǵyn úıdiń qurylysy qyzý qolǵa alyndy.
