Kókshetaýda túnimen jaýǵan jańbyr aralas qar keptelister týyndatty
KÓKShETAÝ. QazAqparat - Kókshetaýda alǵashqy qar tústi. Túnde bastalǵan jańbyr aralas qar tańǵa deıin qalany aq ulpaǵa kómkerip tastady.
Qazir aýa temperatýrasynyń kórsetkishi 1 gradýsty kórsetip tur. Osynyń saldarynan qalada turǵyndardyń júrip-turýy men kólik qatynasy qıyndady, dep habarlaıdy QazAqparat tilshisi.
Qar erip, úlken shalshyq sýlar paıda bola bastaǵan joldarda kólik keptelisteri týyndady.
Sınoptıkter túnde aýa temperatýrasy mınýs 6 gradýsty kórsetetindigin boljaýda. Eger boljam rastalsa tańerteń qala kóshelerinde kóktaıǵaq bolýy yqtımal.
