Kókshetaýda tuńǵysh ret áıelder kúresi uıymdastyryldy
KÓKShETAÝ. QazAqparat - Kókshetaýda tuńǵysh ret qyzdar men áıelder arasynda kúresten jarys ótti, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń málimeti boıynsha jarysqa 2002, 2004 jáne 2005 jylǵy týǵan qyzdar men odan joǵary jastaǵy áıelder qatysty. Oblystyq №1 olımpıadalyq rezervtiń mamandandyrylǵan balalar men jasóspirimder mektebiniń boz kilemine shyqqan Qaraǵandy, Soltústik Qazaqstan jáne Aqmola oblystarynan kelgen 45 balýan qyzy segiz salmaq boıynsha beldesti. Jarys sońyna deıin tartysty ótti.
Aqmolalyq qyzdar túrli deńgeıdegi 18 nagradaǵa qol jetkizdi. Jeńimpazdar arnaıy dıplom jáne medaldarmen marapattaldy.
