Kókshetaýda tún jarymyna deıin jumys istep turǵan meıramhananyń ıesi jazalandy
KÓKShETAÝ. QazAqparat – Tótenshe jaǵdaı kezinde Kókshetaýda túngi saǵat 01:00-lerde 100-den astam adam kóńil kóterip jatqan meıramhana ıesi jaýapqa tartyldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, tártip saqshylary tótenshe jaǵdaı kezinde Aqmola oblysyndaǵy kóńil kóterý oryndarynda jumys kestesiniń saqtalýyn tekserdi. Reıd kezinde óńirdegi 363 kóńil kóterý orny qamtyldy. Tekseris barysynda 358 dámhananyń saǵat 22:00 jabylǵany belgili boldy. Al, Kókshetaý qalasy men Jaqsy aýdanynda - 4, Esil aýdanynda - 2 nysan túngi saǵat 23:00 jabyldy. Budan bólek, Kókshetaý qalasynda túngi saǵat 01:00-lerde 100-den astam adam kóńil kóterip jatqan meıramhananyń ashyq turǵany anyqtaldy.
«Tótenshe jaǵdaı kezinde belgilengen ýaqytsha shekteý týraly talapty oryndamaǵan meıramhana ıesi QR ÁQbK 476-baby boıynsha ákimshilik jaýapkershilikke tartyldy», - deıdi vedomstvodan.
Atalmysh bap boıynsha 10 AEK (26,5 myń teńge) aıyppul nemese 15 táýlikke qamaý jazasy qarastyrylǵan.
Qazirgi kezde ákimshilik materıaldar protsessýaldyq sheshim shyǵarý úshin sotqa joldandy.
