Kókshetaýda tótenshe jaǵdaı rejımin buzǵan meıramhana ıesi qamaýǵa alyndy

KÓKShETAÝ. QazAqparat - Aǵymdaǵy jyldyń 1-shi sáýirinde Kókshetaý qalasynyń mamandandyrylǵan ákimshilik sotynyń sheshimimen tótenshe jaǵdaı rejımin buzǵan kásipker QR ÁQbK 476 baby boıynsha, 15 táýlikke qamaý túrinde ákimshilik jaýapqa tartyldy, dep habarlaıdy QazAqparat tilshisi Aqmola oblystyq prokýratýrasynyń baspasóz qyzmetine silteme jasap.

«Altyn shańyraq» meıramhanasynyń ıesi ýaqytsha shekteý týraly normany elemeı, 60 adamǵa banket ótkizgen», - deıdi vedomstvodan.

Prokýratýranyń baspasóz qyzmetiniń málimetinshe, meıramhana ıesine osyǵan deıin de tótenshe jaǵdaı rejımin buzǵany úshin ákimshilik jaza retinde aıyppul salynǵan.

«Kásipker endi aldaǵy 15 kúnin Kókshetaý qalalyq PB qabyldaý-úılestirý qosynynda jazasyn óteıtin bolady. Jalpy, Kókshetaý qalasynda tótenshe jaǵdaı rejımin buzǵan 17 tulǵa sottyń sheshimimen ákimshilik jaýapqa tartyldy», - dep tolyqtyrdy vedomstvodan.