Kókshetaýda topyraqqa kómilip qalǵan adam qutqaryldy
KÓKShETAÝ. QazAqparat - Kókshetaý qalasynyń turǵyny jeke úıine sý qubyryn ótkizbekshi bolyp shuńqyr qazǵan. Alaıda qabyrǵa opyrylyp, er adam moınyna sheıin qum-balshyqqa kómilip qaldy, dep habarlaıdy QazAqparat Aqmola oblystyq TJD baspasóz qyzmetine silteme jasap.
Oqıǵa ornyna 6 qutqarýshy bardy. Olar er adamdy laı-balshyqtan arshyp alý úshin janynan bastap qazdy. 20 mınýttan keıin shuńqyrdaǵy er adam syrtqa shyǵaryldy. Qutqarýshylar jigitti jedel járdem brıgadasyna tapsyrdy, alaıda ol aýrýhanaǵa jatýdan bas tartqan.
Qutqarý jumystary kezinde zardap shegýshimen psıholog jumys istedi.
«Jigit tereńdigi eki metrden asatyn, dıametri 1 metrge jýyq shuńqyrda moınyna deıin kómilip qalǵan. Ol osy qalpy 1 saǵattan astam ýaqyt turdy. Turǵyndar ony shyǵaryp alýǵa talpynyp, qutqarýshylarǵa ýaqytyly habar bermegen. Qutqarýshylar janyna bastap qaza bastady. Zardap shegýshi aıaqtarynyń eshteńe sezbeı jatqanyn aıtyp shaǵymdandy. Ony jyldam shyǵaryp alýǵa kóktemgi laı-balshyq, shuńqyrdyń tereńdigi kedergi keltirdi», - dedi Aqmola oblystyq TJD Jedel-qutqarý jasaǵy bastyǵynyń orynbasary Marat Bóribaev.
