Kókshetaýda «TopIQ» elektrondy oqýlyqtardyń birinshi ulttyq platformasynyń tusaýkeseri ótti

«Bolashaq saraıynda» ótken sharaǵa pedagogıka mamandyǵy boıynsha bilim alatyn stýdentter, muǵalimder, mektep dırektorlary, ata-analary jáne BAQ ókilderi qatysty.
«Almatykitap» baspasynyń dırektorlar keńesiniń tóraıymy Eleonora Batalovanyń aıtýynsha, elektrondy oqýlyqtar QR Bilim jáne ǵylym mınıstrligi bekitken talaptarǵa saı keledi. Baspa nusqalarynyń negizinde oqýlyq avtorlary olardy foto, vıdeo, aýdıo jáne qyzyqty ınteraktıvti tapsyrmalar sııaqty mýltımedıalyq materıaldarmen tolyqtyryp otyr.
«Elektrondyq oqýlyqtar ár túrli aımaqtardaǵy balalarǵa jaqsy bilim alý múmkindigin teńestiredi. Sondyqtan «Almatykitap» baspasy Qazaqstandaǵy eń tájirıbeli baspalardyń biri retinde mektepke arnalǵan oqýlyqtardy tsıfrlaýdy birinshi bolyp qolǵa aldy. Búgingi tańda platformada úsh baspadan 1-11 synyptar aralyǵynda 65 oqýlyq bar. Elektrondyq oqýlyqtary bar Platforma «Kúndelik» ıntegratsııasyna ıe, ıaǵnı muǵalim osy ulttyq jýrnaldar men kúndelikter platformasy arqyly tapsyrmalar bere alady. Sondaı-aq, muǵalimder elektrondyq oqýlyqtardaǵy balalardyń sabaqtary úshin baǵalardy birden «Kúndelik» baǵdarlamasyna qoıa alady», - deıdi Eleonora Batalova.
Sonymen birge, brıfıngte «Almatykitap» baspasynyń prezıdenti Gaýhar Saımasaeva, tsıfrlyq ortalyqtyń basshysy Elena Kapranchık pen onyń orynbasary Ásıma Rysqulbekova «TopIQ» elektrondy oqýlyqtardyń birinshi ulttyq platformasynyń bilim bireý salasyndaǵy artyqshylyqtaryn aıtty.
«Bul elektrondy oqýlyqtar platformasy zaman talabyna saı jasalǵan. Platforma bir jaǵynan qolaıly ádisteme retinde ustazdardyń jumysyn jeńildetedi, oqýshylardyń bilim, pánge degen qyzyǵýshylyǵy men yntasyn arttyrady. Mundaǵy foto, vıdeo, aýdıo jáne qyzyqty ınteraktıvti tapsyrmalar sııaqty mýltımedıalyq materıaldar oqýshylarǵa ózdiginen bilim alýyna múmkindik beredi. Sondaı-aq, balalarynyń bilim baqylaýda ata-analar úshin de tıimdi bolyp otyr», - dedi Ásıma Rysqulbekova.
Brıfıngte aıtylǵandaı, «Almatykitap baspasy» ótken jyly, pandemııa bastalǵan kezde, elektrondyq oqýlyqtar platformasynyń barlyq oqýlyqtary qazaqstandyq oqýshylar úshin tegin boldy. Platformada bir mıllıon oqýshy aınalysatyn kúnder boldy. Bul elektrondy oqýlyqtar elimizdiń ondaǵan mektebinde aprobatsııadan sátti ótti. Búgingi kúni elimizdegi 191 mektep jáne 130 myń oqýshy jazylǵan. Jalpy, bul tájirıbeniń, ıaǵnı elektrondyq oqýlyqtardy damyǵan elderdiń kóbinde qoldanylyp otyr.
Sonymen qatar, bilim berýde jáne pedagog mamandardy daıarlaýda elektrondy oqýlyqtardyń birinshi ulttyq platformasyn paıdalaný jóninde «Almatykitap» baspasy Kókshetaý qalasyndaǵy J.Mýsın atyndaǵy joǵary pedagogıkalyq kolledj, «Órleý» biliktilikti arttyrý ulttyq ortalyǵy, Sh.Ýálıhanov atyndaǵy Kókshetaý ýnıversıteti jáne M.Jumabaev atyndaǵy Aqmola oblystyq ámbebap ǵylymı kitaphanasymen ekijaqty memorandýmdarǵa qol qoıyldy.