Kókshetaýda tyıym salynǵan jerge shomylǵan er adam sýǵa batyp ketti
ASTANA. KAZINFORM – Kókshetaýda tyıym salynǵan jerde sýǵa túsken 38 jastaǵy er adam kóz jumdy. Bul – shomylý maýsymy bastalǵaly Aqmola oblysyndaǵy sý aıdyndarynda tirkelgen 15-oqıǵa, dep habarlaıdy Kazinform tilshisi.
Aqmola oblystyq tótenshe jaǵdaılar departamentiniń málimetinshe, Kókshetaý qalasyndaǵy Qopa kólinde 1988 jyly týǵan er adam sýǵa batyp ketken.
– Qaıǵyly oqıǵa shomylýǵa tyıym salynǵan Qopa kólinde boldy. Aldyn ala málimet boıynsha, er adam sýǵa túser kezde alkogoldik masań kúıde bolǵan, – dedi oblystyq TJD-nyń resmı ókili Ersaıyn Qoıshybaev.
Kýágerlerdiń aıtýynsha, sýǵa túsken qyz ben er adam bir mezette bata bastaǵan. Jaqyn mańda bolǵan adamdar qyzdy qutqaryp qalǵanymen, er adamdy aman alyp qalý múmkin bolmaǵan.
Aqmola oblysynyń qutqarýshylary turǵyndarǵa shomylýǵa tyıym salynǵan oryndarda jáne alkogoldik ishimdik ishken kúıde sýǵa túsýdiń ómirge qaýipti ekenin taǵy bir márte eskertti.
Eske sala ketsek, sýǵa túsý maýsymy bastalǵaly Qazaqstanda 68 adam sýǵa batyp qaza tapty.
