Kókshetaýda til janashyrlary marapattaldy

KÓKShETAÝ. QazAqparat – Aqmola oblysynda tilder onkúndiginiń jabylýyna oraı óńirde til saıasatyn iske asyrýda belsendiligimen kózge túsken aqmolalyq til janashyrlary Alǵys hatpen marapattaldy, dep habarlaıdy QazAqparat tilshisi.

Sharaǵa aımaq basshysy Ermek Marjyqpaev qatysyp, quttyqtaý sóz sóıledi. Aımaq basshysy óz sózinde sharanyń mańyzyna toqtala kele, elimizdi mekendegen barlyq etnostardyń tilin, mádenıetin saqtap, damytýǵa mol múmkindikter qarastyrylyp otyrǵanyn atap ótti. Sonymen qatar, elimizde til saıasatyn iske asyrýdyń 2020-2025 jyldarǵa arnalǵan memlekettik baǵdarlamasy iske qosylǵanyna toqtaldy.

«Bul baǵdarlama Qazaqstanda turatyn barlyq etnostardyń tilderin saqtaı otyryp, ulttyq birlikti nyǵaıtýdyń mańyzdy tetigi retinde memlekettik tildiń qoldaný aıasyn keńeıtýdi kózdeıdi, – dedi Ermek Marjyqpaev

Sharada óńirdiń qoǵamdyq ómirinde belsendilik tanytyp, tildiń damýyna súbeli úles qosyp júrgen birqatar til janashyrlary Aqmola oblysy ákiminiń Alǵys hatymen marapattaldy.