Kókshetaýda teatr maýsymy «Sal-seriler» spektaklimen ashyldy
KÓKShETAÝ. QazAqparat - Kókshetaýdaǵy Sh.Qusaıynov atyndaǵy qazaq mýzykalyq-drama teatrynda 22-shi teatr maýsymy «Sal-seriler» spektakliniń premerasymen ashyldy, dep habarlaıdy QazAqparat tilshisi.
«Sal-seriler» dramasy qazaqstandyq qalamgerler Shahmet Qusaıynov, Dýlat Isabekov, Baıanǵalı Álimjanov shyǵarmalaryn negizge ala otyryp jazylǵan. Qoıylymǵa teatrdyń Erkebulan Túleýov, Medet Hamzın, Qumarbek Qalqataev, Samat Sháımerdenov, Ásem Serikova jáne ózge de tanymal ártisteri qatysty. Qoıylymdy aımaq basshysy Málik Myrzalın baryp tamashalady.
«Sal-seriler» dramasy qazaq dalasynyń týma daryndary Aqan seri, Birjan sal, Úkili Ybyraı, Balýan sholaq ómirlerinen syr shertedi. Qoıylymnyń maqsaty dala saıypqyrandaryn keler urpaqqa nasıhattaý, olardyń ánderin qaıta jańǵyrtý, ulttyq dúnıe tanymdy keńeıtý», - dep atap ótti teatrdyń qoıýshy-rejısseri, QR Eńbek sińirgen qaıratkeri Muratbek Ospanov.
