Kókshetaýda Tartyl Fest respýblıkalyq sport festıvali ótedi
Kókshetaý QR Prezıdenti janyndaǵy «Dara» talanttardy qoldaý qorynyń uıymdastyrýymen ótip jatqan atalmysh festıvaldi qabyldap otyrǵan 14-shi qala. Sport sharasy Táýelsizdik alańynda ótedi. Uıymdastyrý komıtetiniń málimetinshe, saǵat 11:00 men 14:00 aralyǵynda qatysýshylardy tirkeý, salmaqtaryn ólsheý jáne rettik nómir berý rásimi bolady. Al, saǵat 17:00-de festıvaldiń ashylý saltanaty bolady.
Sharanyń arnaıy qonaǵy retinde otandyq estrada ánshisi Ǵadilbek Jańaı shaqyrylǵan. Ánshiniń qatysýymen saǵat 21:00-de kontsert bastalady.
«Sporttyq sharaǵa sanaty boıynsha kez kelgen aqmolalyqtyń qatysýǵa múmkindigi bar. Mundaı jarystyń jastardyń buqaralyq sportpen aınalysyp, salaýatty ómir saltyn ustanýyna yqpaly zor», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
Eske sala ketsek, festıval elimizdiń 20 qalasynda 10 shilde men 6 qyrkúıek aralyǵynda ótpekshi. Tartyl Fest-ke qatysýshylar 9 sanat – salmaq jáne jas erekshelikteri boıynsha jarysady. Olardy resmı túrde qazylar alqasy baǵalaıdy.
Qatysýshylardyń sanattary:
18 jasqa deıin (jasóspirimder):
1) salmaǵy - 55 kg deıin;
2) salmaǵy - 55-ten 70 kg-ǵa deıin;
3) salmaǵy - 70 kg jáne odan joǵary;
18 jastan 30 jasqa deıin (jastar):
4) salmaǵy - 65 kg deıin;
5) salmaǵy - 65-ten 80 kg-ǵa deıin;
6) salmaǵy - 80 kg jáne odan joǵary;
30 jas jáne odan joǵary (eresekter):
7) salmaǵy - 80 kg deıin;
8) salmaǵy - 80-nen 90 kg-ǵa deıin;
9) salmaǵy - 90 kg jáne odan joǵary.
Ár qaladan 27 jeńimpaz tańdalyp alynady. Birinshi orynǵa – 200 myń teńge, ekinshi orynǵa – 100 myń teńge, al úshinshi orynǵa – 50 myń teńge syılyqqa tigilgen. Sondaı-aq, jeńimpazdar Nur-Sultan qalasynda ótetin aqtyq synǵa joldama alady. Grand-fınaldyń júlde qory – 54 mln teńge.
Aıta ketsek, budan buryn Petropavl turǵyny Tartyl Fest festıvalinde súıiktisine sóz salǵan edi.