Kókshetaýda tanysyn baýyzdap óltirgen kúdiktige sot úkimi shyqty
KÓKShETAÝ. QazAqparat - Kókshetaýda óziniń tanysyn baýyzdap óltirgen kúdiktige qatysty sot úkimi shyqty, dep habarlaıdy QazAqparat tilshisi.
Sotta anyqtalǵandaı kúdikti 1983 jyly týǵan K.Plıýsnın buryn isti bolǵan. Marqumnyń otbasymen aralasyp turǵan. Óziniń baspanasy men turaqty jumysy bolmaǵan. Qylmys jasaıtyn kúni, 2017 jyldyń 3 maýsymynda túngi saǵat 22:30-dar shamasynda tanysynyń páterine masań kúıde kelgen. Páterde marqummen qosylyp ishimdik ishýdi odan ári jalǵastyrady. Osy páterde túnep shyǵady. Kúdikti tańerteń as bólmesine baryp, grafınniń qaqpaǵyn syndyryp alady. Osy kezde marqummen arada janjal týady. Jandaldyń sońy tóbeleske ulasady. Sonyń saldarynan kúdikti úı ıesiniń tamaǵynan oryp jiberip, denesin jaraqattap oqıǵa ornynan izin sýytady. Sonymen qatar, kúdiktiden áıeldiń jalpy, quny 688 myń teńge turatyn altyn saǵaty, syrǵasy tárizdi asyl buıymdary men basqa da jeke zattaryn úptep ketedi.
Keıin jedel izdestirý sharasy barysynda polıtseıler qandy oqıǵaǵa qatysty 33 jastaǵy Kókshetaý turǵynyn ustaıdy.
Búgin Aqmola oblysynyń qylmystyq ister jónindegi mamandandyrylǵan aýdanaralyq sotynda QR QK 99 babynyń 1 bólimi (adam óltirý) jáne 188 babynyń 1bólimi boıynsha (urlyq) qylmystar jasady dep aıyptalǵan K.Plıýsnınge 11 jylǵa bas bostandyǵanan aıyrý jazasy taǵaıyndaldy.
