Kókshetaýda tanysyn 4 kún boıy páterinde qamap ustaǵan 34 jastaǵy áıel ustaldy

Bul týraly oblystyq ІІD baspasóz qyzmetinen habarlady.

Polıtseılerdiń málimeti boıynsha kúdikti Krasnoıar kentiniń turǵyny óziniń tanysy 28 jastaǵy zerendilik áıeldi úıine qonaqqa shaqyrǵan. Keıin birneshe kún qonaq bolǵan tanysy úıine qaıtpaq bolady. Alaıda, kúdikti onyń úıine qaıtýyna úzildi-kesildi qarsy bolyp, "qyzmet jasa" dep, tólqujatyn, uıaly telefonyn tartyp alyp, aıaq kıimin bermeı qoıǵan. Kúdikti jezókshelikpen aınalysqan jáne de úıine beıtanys jigitterdi shaqyryp otyrǵan.

Abyroı bolǵanda zardap shegýshi telefon arqyly anasyna bolǵan jaıdy habarlap úlgergen.

Qazirgi kezde zardap shegýshi bosatylyp, kúdiktiniń ústinen QR QK 126 babynyń 1 bólimi boıynsha (zańsyz bas bostandyǵynan aıyrý) qylmystyq is qozǵaldy.