Kókshetaýda tanymal tulǵalar halyqqa qyzmet kórsetti
KÓKShETAÝ. QazAqparat - Tanymal tulǵalar «Juldyzdar» bir kún HQO» aktsııasyna qatysty, dep habarlaıdy QazAqparat tilshisi «Azamattarǵa arnalǵan úkimet» memlekettik korporatsııasy» komertsııalyq aktsıonerlik qoǵamy Aqmola oblysy boıynsha fılıalynyń baspasóz qyzmetine silteme jasap.
Vedomstvonyń málimeti boıynsha HQO №2 bóliminde «Juldyzdar» bir kún HQO» aktsııasy ótkizildi. Sharaǵa Mıss Kókshetaý-2018 Ekaterına Efımenko, «Kokshe» telearnasynyń júrgizýshisi Zarına Dúısekeeva jáne «Kokshevideogram» men «SSinegor.kz ınstagram-blogerleri Danı Qaparov pen Tatıana Kondratovıch qatysty.
«Tanymal tulǵalar ózderin HQO keńesshileri retinde sezindi. Olar bir saǵat boıy turǵyndarǵa elektrondy memlekettik qyzmet alý, elektrondy kezek boıynsha tallon alyp, ótinish toltyrý sııaqty qyzmetter kórsetti», - dedi vedomstvodan.
«Halyqpen jumys istep, qyzmet kórsetý ońaı emes. Psıhologııalyq shydamdylyq pen kásibı sheberlik qajet. Búgin men osyǵan kóz jetkizdim. Degenmen, kelýshilerdiń arasynda alǵystaryn aıtqandar da boldy», - deıdi Ekaterına Efımenko.
Aıta keteıik, búgingi kúni «Azamattarǵa arnalǵan úkimet» memlekettik korporatsııasy» komertsııalyq aktsıonerlik qoǵamynyń Aqmola oblysy boıynsha 24 maıdan-keńsesi jumys isteýde. Onda barlyǵy 470 adam aptasyna 6 kún boıy tańǵy saǵat 9-dan keshki 20-ge deıin qyzmet kórsetedi. Jyl basynan beri halyqqa qyzmet kórsetý ortalyqtary boıynsha barlyǵy 1 mıllıonnan astam memlekettik qyzmet kórsetilgen.
