Kókshetaýda taksı júrgizýshisin óltirip ketti
KÓKShETAÝ. QazAqparat – Aqmola oblysynda taksı júrgizýshisin óltirý oqıǵasy tirgelip jatyr, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 22 qańtarda Kókshetaý qalalyq PB kezekshilik bólimine jedel járdem stansasynyń feldsheri habarlasyp, Aqmola oblystyq kópbeıindi aýrýhanasyna 45 jastaǵy er adamnyń ishi men moıyn tusynan pyshaq jaraqatymen túskenin aıtty.
Belgili bolǵandaı, zardap shegýshi jeke jolaýshy tasymalymen aınalysqan.
«Jedel-izdestirý sharasy kezinde jedel basqarý ortalyǵyndaǵy beınebaqylaý kamerasynyń kómegimen kúdikti ustaldy. Ol Kókshetaý qalasynyń 35 jastaǵy turǵyny bolyp shyqty. Alaıda, zardap shegýshi alǵan dene jaraqatynan 23 qańtarda kóz jumdy. Oqıǵa baılanysty QR QK 99-babynyń 1-bóligi boıynsha sotqa deıingi tergeý amaldary júrgizilýde. Kúdiktiden zattaı aıǵaqtar alynyp, ýaqytsha qamaldy», - dedi PD baspasóz qyzmetindegiler.
Qazirgi kezde tergeý amaldary jalǵasýda.
