Kókshetaýda taksı kóligin aıdap áketken kúdiktiler ustaldy
KÓKShETAÝ. QazAqparat - Kókshetaýda taksı kóligin aıdap áketken kúdiktiler ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, oqıǵa 10 qarashada túnde saǵat 22:30 shamasynda bolǵan. «Vaz 2114» avtokóliginiń ıesiniń aıtýynsha, beıtanys eki er adam qorqytý arqyly onyń kóligin aıdap áketken. 31 jastaǵy kólik ıesi keltirilgen shyǵyn kólemi 1,5 mıllıon teńgege baǵalandy.
Belgili bolǵandaı, kúdiktiler taksı shaqyrtyp ózderi aıtqan mekenjaıǵa jetken. Keıin júrgizýshini qorqytý arqyly kóligin tartyp alyp, taıyp turady. Kólik ıesi birden «102» telefon nómiri arqyly polıtsııaǵa habarlaıdy.
«Jedel izdestirý sharasy barysynda tártip saqshylary oqıǵa bolǵan aýmaqty qorshap, beınebaqylaý kamerasynyń kómegimen kóliktiń baǵytyn anyqtady. Nátıjesinde patrýldik polıtsııa qyzmetkerleri Qanat Maǵaýbaev pen Narıman Shaımerdenov kóliktiń Pýshkın kóshesiniń boıyndaǵy turǵyn úılerdiń biriniń aýlasynan taýyp, kúdiktilerdi ustady», - deıdi vedomstvodan.
Qazir kezde, kúdiktilerge qatysty is qozǵalyp, sotqa deıingi tergeý amaldary júrgizilýde.
