Kókshetaýda taǵy 5 adamnan koronavırýs anyqtaldy
KÓKShETAÝ. QazAqparat - Kókshetaýda taǵy 5 adamnyń koronavırýs juqtyrǵany anyqtaldy, dep habarlaıdy QazAqparat tilshisi oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentine silteme jasap.
Bul joly 70 jastaǵy er adam «ókpe qabynýy» dıagnozymen Kókshetaý qalalyq kópbeıindi aýrýhanasynyń provızorlyq stantsıonaryna jatqyzyldy. Onda maýsymnyń 8-inde COVID-19 anyqtaldy. Al búgin 1965, 1980, 1991 jylǵy úsh er adam men 60 jastaǵy áıelden koronavırýs anyqtaldy. Bulardyń barlyǵynda jiti respıratorlyq vırýstyq ınfektsııa belgisi baıqaldy, ishindegi bireýi ǵana «ókpe qabynýy» dıagnozymen Kókshetaý qalalyq kópbeıindi aýrýhanasynyń jansaqtaý bólimshesinde jatty. Onyń jaǵdaı turaqty.
«Naýqastardyń barylyǵy Aqmola oblystyq týberkýlezge qarsy dıspanseriniń juqpaly aýrýlar bólimshesine aýystyryldy. Onda klınıkalyq hattamaǵa sáıkes em qabyldaıtyn bolady. naýqastyń úı oshaǵynda epıdemııaǵa qarsy is-sharalar qolǵa alynýda. Naýqastarmen baılanysty bolǵan adamdary anyqtaý boıynsha sanıtarlyq-epıdemıologııalyq sharalar júrgizilýde. Sondaı-aq, dezınfektsııalaý uıymdastyrylýda», - dep atap ótti vedomstvodan.
Aıta keteıik, Kókshetaý qalasynda 101 kereýet ázirlendi, onyń 60-y Aqmola oblystyq týberkýlezge qarsy dıspanserinde, 41-i Kókshetaý qalalyq kópbeıindi aýrýhanasynyń provızorlyq stantsıonarynda. Búgingi kúni 26 adam baqylaýda, onyń ishinde 18 adam úı karantıninde, 3 adam aýrýhanaǵa jatqyzyldy. 2020 jyldyń 1- shi sáýirinen bastap, 1262 adam monıtorıngten alyndy.
Kókshetaý qalasynda COVID-19 anyqtaıtyn úsh zerthana jumys isteıdi. Onyń biri – Ulttyq saraptama ortalyǵynyń fılıalynda, qalǵan ekeýi Aqmola oblystyq týberkýlezge qarsy dıspanseriniń janyndaǵy klınıka-bakterıologııalyq zerthanasy jáne «MYRZA-HAN» JShS polımerazdy tizbekti reaktsııa zerthanasy.
