Kókshetaýda sybaılas jemqorlyqqa qarsy kúres forýmyna 17 myń adam qatysty
Búgingi tańda marafon oblystyń 11 aýdanynda ótti jáne oǵan turǵyndar belsendi atsalysty dese bolady.
«Marafon respýblıka kóleminde júrip jatyr. Degenmen ol 2015 jyly Aqmola oblysynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń aımaqtyq departamentiniń bastamasymen bastalǵan bolatyn. Árıne, jergilikti turǵyndardyń bul isti qoldaýynyń arqasynda shara búkil Qazaqstan boıynsha uıymastyryla bastady»,-dep habarlaıdy vedomstvo ókilderi.
Aqmola oblysynda marafon 4-shi jyl qatarynan uıymdastyrylyp keledi. Alaıda onyń basty maqsaty burynǵysynsha qalyp otyr. ıAǵnı, jemqorlyqpen kúres qozǵalysyna búkil qoǵamdy tartý, qoǵam men memlekettiń kúshin indetpen kúreske jumyldyrý, jemqorlyqtyń aldyn alap, oǵan qarsy joǵary mádenıetti qalyptastyrý jáne onyń jemqorlyqtyń barlyq kórinisterine tózbeýshilikti qalyptastyrý, azamattyq kózqarasty belsendi tanytý bolyp tabylady.
«Marafon jeltoqsan aıynda, Halyqaralyq jemqorlyqpen kúres kúnine arnalǵan forýmmen aıaqtalady. Onyń barysynda marafonnyń jeńimpazdary men belsendi qatysýshylary marapattalady»,-dedi vedomstvo ókilderi.