Kókshetaýda sýdıany óltirgen qylmysker ómir boıyna bas bostandyǵynan aıyryldy
KÓKShETAÝ. QazAqparat - Kókshetaýda Aqmola oblystyq mamandandyrylǵan aýdanaralyq sotynda Aqmola oblystyq qylmystyq ister jónindegi sot alqasynyń tóraıymy Janna Berdiǵulovany óltirdi dep aıyptalǵan Medet Əbdrahmanovqa ómir boıyna bas bostandyǵynan aıyrý jazasy taǵaıyndaldy, dep habarlaıdy QazAqparat tilshisi.
Eske sala keteıik, bıyl 12 maýsymda Aqmola oblystyq sotynyń qylmystyq ister jónindegi alqasynyń tóraıymy Janna Berdiǵulova óz úıinde óltirilgen bolatyn. 46 jastaǵy sýdıanyń denesi jýynatyn bólmeden tabyldy. Keıin polıtsııa qylmysty jasady degen kúdikpen buryn sotty bolǵan 33 jastaǵy jıhaz jasaýshy jigitti ustaǵan edi.
Búgin Aqmola oblystyq mamandandyrylǵan aýdanaralyq sotynda bul istiń sońǵy núktesi qoıyldy. QR QK-niń 99, 188 jáne 384 baptary boıynsha aıyptalǵan kúdikti Medet Əbdrahmanovty sot kinəli dep tanyp,ómir boıyna bas bostandyǵynan aıyrý jazasyn taǵaıyndady. Oǵan qosa, sottalýshynyń zardap shekken tarapqa moraldyq jəne materıaldyq shyǵynnyń ornyn toltyrý úshin 10 mıllıonnan astam teńge ótemaqy tóleıtini týraly sheshim shyǵardy.
