Kókshetaýda sý tasqynynyń zardaptary joıylýda
KÓKShETAÝ. QazAqparat - Kókshetaýda sý tasqynynyń zardaptaryn joıý sharalary qarqyndy júrip jatyr, dep habarlaıdy QazAqparat tilshisi Aqmola oblysynyń TJD baspasóz qyzmetine silteme jasap.
Vedomstvonyń málimeti boıynsha, Aqmola oblysynyń TJD men jergilikti atqarýshy organdar 1000 tekshe metr sýdy soryp, 80 tonna ınertti materıaldar men qum salynǵan 150 qapty tósedi.
«Sońǵy málimetter boıynsha, saǵat 14:10-de 8 Naýryz kóshesiniń boıynda ornalasqan №1/1 sý tolyq syrtqa aǵyzyldy. Qazirgi kezde sý tasqynynyń zardaptaryn joıýǵa Aqmola oblysynyń TJD men PD jeke quramynan 45 adam jáne 18 arnaıy tehnıka jumyldyrylyp, 4 turǵyn úı men 14 aýladaǵy sýdy sorý jumystary júrip jatyr», deıdi vedomstvodan. 
Eske sala keteıik, osyǵan deıin habarlaǵanymyzdaı ótken túni Kókshetaý qalasynda Qylshaqty ózeni sýynyń deńgeıi kóterilip, qaýipti aımaqta ornalasqan 600 turǵyn úıdiń 5-ýi men 15 aýlasyn sý basqan edi. Osynyń saldarynan 16 adam qaýipsiz jerge kóshirildi.
