Kókshetaýda sý tasqynynyń saldary joıyldy - TJD
KÓKShETAÝ. QazAqparat - Kókshetaý qalasynda kóktemgi sý tasqynynyń saldary joıyldy. Jergilikti atqarýshy organdar tarapynan sý sorylǵan turǵyn aýlalaryn abattandyrý boıynsha jumystar júrip jatyr, dep habarlaıdy QazAqparat tilshisi Aqmola oblysynyń TJD baspasóz qyzmetine silteme jasap.
Eske sala keteıik, aýa temperatýrasynyń kúrt kóterilýi men erigen qar sýynyń aǵyp kelýine baılanysty Qylshaqty ózenindegi sý deńgeıinen asyp, tasyǵan bolatyn. Saldarynan Kókshetaý qalasyndaǵy 5 turǵyn úı men 15 aýlany sý basyp, 16 adam qaýipsiz jerge kóshirilgen edi.
«Osyǵan baılanysty Aqmola oblysynyń Tótenshe jaǵdaılar departamenti jáne jergilikti atqarýshy organdarynyń kúshimen sý basqan turǵyn úıler men aýlalardan 10,6 myń tekshe sý sorylyp, 5 myń tekshe metr ınertti materıal jáne qum salynǵan 3 myń qap tóseldi. Sý tasqyny saldaryn joıý úshin Aqmola oblysynyń TJD, jergilikti atqarýshy organdar men polıtsııanyń jeke quramynan 105 adam, 32 arnaıy tehnıka, 7 sý sorǵysh jáne 19 motopompa jumyldyryldy», deıdi vedomstvonyń baspasóz qyzmetinen.
