Kókshetaýda sý tasqynyna qarsy sharalar jalǵasýda
KÓKShETAÝ. QazAqparat- Kókshetaýda sý tasqynyna qarsy sharalar júzege asyrylýda, dep habarlaıdy "QazAqparat" HAA tilshisi.
Əleýmettik jeli arqyly aqparat taratqan qala əkiminiń baspasóz qyzmetiniń məlimeti boıynsha sý tasqynyna qanshalyqty əzirlengenimen aýa raıynyń kúrt jylynýy biraz qıyndyqtar týǵyzýda.
"Qazirgi kezde sý tasqynyna qarsy barlyq kommýnaldyq qyzmetterdiń arnaıy tehnıkalary men TJD kúshi men quraldary tartylyp, təýlik boıy jumys isteýde.
Əsirese, turǵyndardyń laqtyryp tastaǵan turmystyq qaldyqtary kommýnaldyq qyzmetterdiń jumysyna kedergi keltirýde. "Suńqar" shaǵynaýdanynda sýaǵardan sý syrtqa jaıylýy osynyń aıqyn dáleli.
Osyny eskere kele, turǵyndar sý tasqynynyń qaýpi bıik shyńyna jetkenin tospaı-aq, úı aýlalaryn qum, topyraqpen qorshap qamdaǵany durys.
Eger úıińizge tasqyn sýdan qaýip tónse, əkimdik janyndaǵy kezekshilik qyzmet ortalyǵyna 29-78-25, "Kókshe Jərdem" kommýnaldyq kəsipornynyń dıspetcherine 76-19-23 jəne Kókshetaý qalasy boıynsha TJD 112 nómirlerine habarlasýyna bolady.
Turǵyndardy jaǵdaıǵa túsinistikpen qarap, pəter ıeleri kooperatıvimen birlesip sý tasqynynyń zardaptaryn joıýǵa atsalysýǵa shaqyramyz", dep kórsetilgen jazbada.
