Kókshetaýda sý tasqynyna baılanysty 52 adam evakýatsııalandy

KÓKShETAÝ. KAZINFORM - Kókshetaýda sý tasqynyna baılanysty 52 adam qaýipsiz jerge evakýatsııalandy.

Kókshetaý qalalyq ákimdiginiń málimetinshe, Qylshaqty ózeniniń arnasynan shyǵýyna baılanysty 29 naýryz saǵat 3:00 kezinde, sý basqan ýchaskelerdegi jeke turǵyn úıler men kóp qabatty úılerdiń turǵyndary ýaqytsha qonystaný aýmaǵyna ornalastyryldy.

«Qazirgi ýaqytta «Jumyspen qamtamasyz etý, áleýmettik baǵdarlamalar jáne azamattyq hal aktilerin tirkeý bólimi» MM janyndaǵy halyqty beıimdeý ortalyǵyna 52 adam evakýatsııalandy», - dedi vedomstvodan.

Aıta ketsek, budan buryn Kókshetaýda sý basqan úılerdiń turǵyndaryn qutqarýshylar qaıyqpen jáne jaıaý arqalap shyǵaryp jatqandyǵyn jazǵan edik.