Kókshetaýda «Stýdenttik kóktem-2017, jastar energııasy» festıvali ótti
Sharanyń alǵashqy kúnderi, ıaǵnı 1-2 sáýir aralyǵynda jeke oryndaýshylar men shyǵarmashylyq ujymdardyń on nomınatsııasy boıynsha konkýrstyq baǵdarlama uıymdastyryldy. Al 3 sáýirde Aqmola oblystyq fılarmonııasynda sharanyń jabylý rásimi jáne gala kontsert ótti. Festıvalǵa óńirdegi 19 bilim ordasynda oqıtyn 700 jýyq stýdent qatysty.
«Estradalyq án» atalymy boıynsha birinshi oryn Sh.Ýálıhanov atyndaǵy Kókshetaý memlekettik ýnıversıtetiniń stýdenti Aınara Buzaıbasovaǵa buıyrsa, ekinshi jáne úshinshi oryndardy Kókshetaý joǵary kolledj jáne A.Myrzahmetov atyndaǵy Kókshetaý ýnıversıtetiniń stýdentteri Ádil Baltabaev pen Qaıyrly Áshim ózara bólisti.
«Qazirgi zamanǵy bı» atalymy boıynsha birinshi oryndy A.Myrzahmetov atyndaǵy Kókshetaý ýnıversıtetiniń «Symbat» ansambli alsa, ekinshi oryndy Şýchınsk qalasyndaǵy joǵary kolledj stýdenti Elnur Kenjebaev, al úshinshi oryndy J.Mýsın atyndaǵy pedagogıkalyq kolledjdiń «Mereı» ansambli enshiledi.
Sonymen qatar, «Instrýmentaldy baıqaý», «Poezııa», «Dızaın», «Fleshmob-baıqaýy», «Vıdeorolıkter baıqaýy»,«KVN-oıyn» jəne «Breın-rıng» atalymdary boıynsha jeńimpazdar anyqtaldy.
Jeńimpazdardyń barlyǵy arnaıy dıplom jəne baǵaly syılyqtarmen marapattaldy.
