Kókshetaýda stýdentter zaýyt qabyrǵasynda bilim almaq
KÓKShETAÝ. QazAqparat - «Kókshetaý sút zaýyty» JShS bazasynda Smaǵul Sádýaqasov atyndaǵy aýyl sharýashylyǵy ınsıtýtynyń «Mehanızatsııa jáne mal sharýashylyǵy» kafedrasy ashyldy, dep habarlaıdy «QazAqparat» HAA tilshisi.
Zaýyt dırektory Ásen Jaqsylyqovtyń aıtýynsha, kafedranyń ashylýy kásiporynǵa qajetti mamandardy daıarlaýda mańyzdy qadam bolyp otyr. Bilimin tájirıbemen ushtastyryp, kafedrany úzdik bitirgen stýdentter keleshekte osynda qalyp jumys isteýine ábden bolady. Bul bir jaǵynan stýdetterge teorııalyq bilimmen qatar, praktıkalyq tájirıbe jınaqtaýǵa septigin tıgizse, zaýyt basshylyǵy úshin óndiriske qajetti bolashaq mamandardy ózderi tańdap júrip alýyna mol múmkindik.
Kafedranyń ashylýy saltanatyna qatysqan Shoqan Ýálıhanov atyndaǵy Kókshetaý memlekettik ýnıversıtetiniń rektory Ábdimútálip Ábjapparov stýdentterge tereń bilim berýde qoldaý bildirgen zaýyt basshylyǵyna alǵysyn aıta kele, bilikti kadralardy daıyndaýda aldaǵy ýaqytta da yntymaqtastyqta jumys isteıtin atap ótti. Kafedrada stýdentterdiń bilim alýyna barlyq jaǵdaı jasalǵan. Dáris zaly qazirgi zamanǵy jıhaz, mýltımedııalyq jabdyqpen qamtamasyz etilmek. Sondaı-aq, stýdentterge ýnıversıtet oqytýshylary ǵana emes, zaýyt mamandary da dáris oqyp, tájirıbelerimen bólisetin bolady.
