Kókshetaýda «Street workout»-ten jazǵy maýsym bastaldy
KÓKShETAÝ. QazAqparat - Aqmola oblystyq Jastar resýrstyq ortalyǵynyń uıymdastyrýymen Kókshetaý qalasynyń ortalyq saıabaǵyndaǵy vorkaýt alańynda ótken jarysqa oblys aýdandary jáne Petropavl qalasynan kelgen jas atletter qatysty, dep habarlaıdy QazAqparat tilshisi.
Shara 15 jasqa deıingi «Freestyle», jigitter men qyzdar arasyndaǵy «Freestyle» jáne «Qos saıys» tárizdi 4 atalym boıynsha ótti.
«Street Workout» elimizde jastar arasynda tanymal jáne qarqyndy damyp kele jatqan sport túri.
«Mundaı týrnırler jastardyń deni saý jáne ádemi deneni qalyptastyrý, sportpen shuǵyldanýǵa jáne ózin-ózi damytýǵa múmkindik beredi. Jazǵy maýsymnyń ashylýymen árbir adam jeke jattyǵýlarǵa jazyla alady, sondaı – aq, «Street Workout Aqmola» qatysýshysy bola alady», - dep atap ótti jastarmen úılestirý jáne jumys bóliminiń basshysy Maqpal Janarysova.
