Kókshetaýda sot otyrysynda kýáger telefon arqyly kýálik etti
Vedomstvonyń málimetinshe, elimizde ınnovatsııalyq tehnologııalar qoǵam úshin qoljetimdi jáne óziniń tıimdiligin kórsetýde. QR Joǵarǵy sotynyń tóraǵasy Jaqyp Asanov sot tóreliginiń 7 túıinin ataǵan bolatyn, onyń biri - tsıfrlandyrý. Atalǵan tujyrymdama sheńberinde Kókshetaý qalasynyń mamandandyrylǵan ákimshilik sotynda «Usaq buzaqylyq» ákimshilik isi boıynsha sot otyrysy ótip, onda quqyqbuzýshy sot otyrysyna kele almaı issaparda qala aýmaǵynan tys jerde bola tura, uıaly telefonynyń arqyly ákimshilik is boıynsha jaýap berdi.
«Beınekonferentsııa baılanysty ótkizý úshin, quqyqbuzýshyǵa pleımarketten TrueConf baǵdarlamasyn uıaly telefonyna ornatý ǵana qajet boldy», delingen habarlamada.
Jetildirilgen IT-tehnologııalardyń engizilýi sot tóreliginiń mobıldiligin jáne ashyqtyǵyn arttyrady, protsesti edáýir jedeldetýge, bıýdjet qarajatyn únemdeýge, sonymen qatar elimizdiń kez-kelgen aımaǵynda sot tóreligine yńǵaıly jáne kedergisiz qol jetkizýdi qamtamsyz etýge múmkindikter beredi.
«Sot otyrysynyń qorytyndysy boıynsha Sottar ákimshisiniń basshysy Danııar Saparbek BAQ ókilderine elektrondy sot tóreliginiń múmkindikterin túsindirdi. Atalǵan joba aldaǵy ýaqytta turaqty túrde aýdandyq jáne olarǵa teńestirilgen sottarda iske asyrylatyn bolady», dep tolyqtyrdy sottyń baspasóz qyzmeti.