Kókshetaýda sońǵy bir aptanyń ishinde 20 myń tekshe metrge jýyq qar syrtqa shyǵaryldy
KÓKShETAÝ. QazAqparat - Sońǵy bir aptanyń ishinde tolassyz jaýǵan qar men borannyń saldarynan Kókshetaýda 20 myń tekshe metrge jýyq qar syrtqa shyǵaryldy, dep habarlaıdy «QazAqparat» HAA tilshisi qala əkiminiń baspasóz qyzmetine silteme jasap.
Əkimdiktiń məlimeti boıynsha, sońǵy aptadaǵy jıi bolyp turǵan boran men qatty aıaz kommýnaldyq qyzmetterdiń jumysyna biraz qıyndyq týǵyzyp otyr.
Aıta ketý kerek, jeltoqsan aıynyń alǵashqy onkúndiginde Kókshetaý qalasy boıynsha jaýǵan qardyń qalyńdyǵy 9,8 mm bolsa (aılyq norma 4 mm), ekinshi onkúndikte normadan 4 ese astam, ıaǵnı 23,9 mm-ge jetti.
«Qazirgi kezde, oblys ortalyǵynyń kóshelerin tazartýmen eki mekeme - «Kókshetaý jol paıdalaný ýchaskesi» AAQ, «Kókshe-Járdem» ShJQ MQQ aınalysýda. Tek sońǵy aptanyń ishinde atalǵan mekemelermen qala syrtyna 18 612 tekshe metr qar syrtqa shyǵaryldy. Qalamyzdy tolassyz jaýǵan qardan tazalaýǵa 57 jekemenshik tehnıka, qosymsha jaldanǵan 11 birlik tehnıka, 150 shaqty adam jumyldyrylýda», - dedi əkimdik qyzmetkerleri.
Eske sala keteıik, «Qazgıdromet» RMK fılıalynyń məlimeti boıynsha, Sibir antıtsıklony saldarynan kelgen aıaz shamamen jeltoqsannyń 24-ne deıin jalǵasatyn kórinedi. Dəl qazir Kókshetaýda termometr baǵanasy mınýs 33 gradýs aıazdy kórsetip otyr. Osyǵan baılanysty qala mektepterinde sabaq ýaqytsha toqtatyldy.
