Kókshetaýda soqtyǵysqan júk kólikteriniń biri aýdarylyp qaldy
KÓKShETAÝ.QazAqparat- Kókshetaý qalasynyń mańynda «Kókshetaý-Omby» tasjolynyń boıynda eki júk kóligi soqtyǵysty. Jol-kólik oqıǵasy týraly vıdeony áleýmettik jeli qoldanýshylardyń biri taratty, dep habarlaıdy QazAqparat tilshisi.
Beınejazba kórsetilgende jol apaty Kókshetaý qalasynan shyǵa beriste Zastantsıonnyı shaǵyn aýdany men Birlik aýyly mańynan ótetin «Kókshetaý-Omby» tasjolynyń boıynda bolǵan.
«KamAZ» júk kóligimen kommýnaldyq kəsiporynnyń turmystyq qaldyqtardy tasymaldaıtyn «Zıl» kóligi soqtyǵysqan. Sonyń saldarynan sońǵy kólik aýdarylyp qaldy. Oqıǵa kýəgerleriniń aıtýynsha, jol apatyna sol tustaǵy baǵdarshamnyń isten shyǵýy sebepker bolýy múmkin.
