Kókshetaýda sheshender men ıngýshterdiń jer aýdarylýyna arnalǵan konferentsııa ótti
Konferentsııaǵa Qazaqstan Respýblıkasynyń, jaqyn jáne alys shetelderdiń 40-qa jýyq ǵylym, bilim, mádenıet, bıznes ókilderi, qoǵam qaıratkerleri qatysty, olardyń ishinde QR Ulttyq ǵylym akademııasynyń akademıgi Sultan Ozdoev, qoldanbaly ekonomıkalyq zertteýler ınstıtýty dırektorynyń orynbasary Ǵalymjan Qusmanǵalı, Máskeý qalalyq dýmasynyń depýtaty, M.Lomonosov atyndaǵy MMÝ dotsenti, M.Nárikbaev atyndaǵy Qazaq memlekettik zań ýnıversıtetiniń dotsenti Magomet ıAndıev, zań ǵylymdarynyń kandıdaty Oksana Voznıak, Qazaqstan halqy Assambleıasynyń músheleri Ásker Pırıev pen Sherzod Pýlatov tárizdi tanymal tulǵalar qatysty.
Konferentsııany ashqan Aqmola oblystyq ishki saıasat basqarmasynyń basshysy Altynaı Ámirenova sharanyń mańyzdylyǵyn atap ótti.
«Bıyl biz Qazaqstan Respýblıkasy Táýelsizdiginiń 30 jyldyǵyn atap ótemiz, elimizde bir shańyraqtyń astynda beıbitshilik pen kelisimde 100-den astam etnos pen 17 konfessııa turady. Bul elimizdiń Tuńǵysh Prezıdenti – Elbasy N.Nazarbaevtyń salıqaly saıasatynyń arqasynda múmkin boldy», - dep atap ótti vedomstvo basshysy.
«Qazaq halqy ózderiniń ómirine qaýip tónip turǵanyna qaramastan, aýyzyndaǵysyn jyryp berip, ómiriniń eń qıyn kezeńinde deportatsııalanǵan halyqtarǵa baǵa jetpes kómek kórsetti, búginde sheshender men ıngýshtar kópultty Qazaqstan qaýymdastyǵynda laıyqty oryn alyp, ózderi úshin ekinshi Otanyna ıe boldy, al urpaqtary úshin Qazaqstan birinshi Otanyna aınaldy», - dep óziniń oıymen bólisti sharany uıymdastyrýshy Gerıhan ıAndıev.
Úsh saǵatqa sozylǵan konferentsııaǵa qatysýshylar óz pikirlerimen, qorytyndylarymen, jeke estelikterimen, sondaı-aq atalarynyń, ájeleriniń jáne ata-analarynyń estelikterimen bólisti. Qatysýshylar qazaq halqynyń atyna onyń biregeıligin, adamgershiligi men alýan túrliligin atap óte otyryp, kóptegen alǵys sózderin aıtty. Konferentsııany qorytyndylaı kele, qatysýshylar jastardy ata-babalary irgesin qalaǵan beıbitshilikti, kelisim men dostyqty saqtaýǵa jáne arttyrýǵa shaqyrdy.
