Kókshetaýda sheneýnik 2 mln teńge paramen ustaldy
ASTANA. QazAqparat - Kókshetaýda Býrabaı aýdandyq turǵyn úı kommýnaldyq sharýashylyǵy, jolaýshylar kóligi men avtomobıl joldary bóliminiń basshysy A.Elemesov Şýchınsk qalasyndaǵy avtojoldarynyń boıyndaǵy kógaldandyrý boıynsha sýbmerdigerlik jumystarǵa qol jetkizýge kómekteskeni úshin 2 mln teńge kóleminde para aldy, dep habarlady Sybaılas jemqorlyqqa qarsy is-qımyldar ulttyq bıýrosynyń baspasóz qyzmetinen.
Sybaılas jemqorlyqqa qarsy is-qımyldar ulttyq bıýrosynyń Aqmola oblysy boıynsha departamenti Býrabaı aýdandyq turǵyn úı kommýnaldyq sharýashylyǵy, jolaýshylar kóligi men avtomobıl joldary bóliminiń basshysy Elemesov A. ustady.
A. Elemesov Şýchınsk q. avtojoldarynyń boıyndaǵy kógaldandyrý boıynsha sýbmerdigerlik jumystarǵa qol jetkizýge kómek kórsetýi úshin zańdy tulǵadan 2 000 000 teńge kóleminde para alǵany anyqtaldy.
Qazir Elemesov A. Kókshetaý qalalyq ІІB ýaqytsha ustaý oqshaýlaǵyshyna qamaldy. Sotqa deıingi tergeý amaldary júrgizilip jatyr.
