Kókshetaýda shaqyrtýǵa shyqqan órt sóndirý kóligi apatqa ushyrady

Apat 7 maýsymda saǵat 23:00-de Kókshetaýdaǵy Abaı jáne Pýshkın kósheleriniń qıylysynda boldy.

Oblystyq Tótenshe jaǵdaılar departamenti baspasóz qyzmetiniń habarlaýynsha, kólik tótenshe jaǵdaıǵa órt sóndirý kóligi shamdary men sırenasyn qosyp shyqqan.

- Oqıǵanyń mán-jaıy men sebepteri anyqtalyp jatyr. Atalǵan fakti boıynsha qyzmettik tergeý bastaldy. Aqmola oblystyq Polıtsııa departamenti jol-kólik oqıǵasyna qatysýshylardyń áreketterine belgilengen zańdy rásimderge sáıkes quqyqtyq baǵa beredi, - dep túsindirdi vedomstvo.

Aqmola oblystyq Polıtsııa departamentiniń baspasóz órt sóndirýshi kóliktiń Hyundai Solaris kóligimen soqtyǵysqanyn naqtylady.

Jol-kólik apaty saldarynan Hyundai Solaris júrgizýshisi men jolaýshysy ártúrli dene jaraqattarymen aýrýhanaǵa jetkizildi. Polıtsııa qazirgi ýaqytta tergeý amaldaryn júrgizip jatyr, onyń qorytyndysy boıynsha qoldanystaǵy zańnamaǵa sáıkes protsessýaldyq sheshim qabyldanady, dep túsindirdi polıtsııa.

Osyǵan deıin polıtsııa jaz mezgilinde velosıped pen elektrsamokat paıdalanýshylar sanynyń artýyna baılanysty jol qozǵalysyna qatysýshylarǵa qaýipsizdik talaptaryn saqtaýdyń mańyzyn eske saldy.

Al Almatyda Ál-Farabı dańǵylynda bolǵan jol-kólik oqıǵasyna qatysty sot otyrysy ótip jatyr.