Kókshetaýda «Saılaý – 2021: aımaqtyq damý trendteri» atty jıyn ótti
Jıynda sóz alǵan QR Prezıdenti janyndaǵy Qazaqstan strategııalyq zertteýler ınstıtýtynyń bólim basshysy, saıasattanýshy Alýa Joldybalına «Saılaý týraly» zańǵa engizilgen ózgerister jaıynda, sondaı-aq aldaǵy saılaýdyń erekshelikteri jóninde óziniń oıymen bólisti.
Spıkerdiń aıtýynsha, bıylǵy saılaýdyń úlken erekshelikteri bar. Onyń biri, Konstıtýtsııalyq merzimde saılaýdyń ótýi. Buǵan barlyq partııalardyń daıyndalýyna múmkindik boldy. Ekinshisi, eger osyǵan deıin ótken saılaýlarda máslıhat depýtattaryn bir mandatty okrýgter boıynsha saılasa, endigi kezekte, eń alǵashqy ret partııalyq tizim boıynsha ótedi, ıaǵnı oblystyq, qalalyq, aýdandyq máslıhattardyń depýtattarynyń barlyǵy partııalyq tizim boıynsha saılanady. Al úshinshisi «Saılaý týraly» zańǵa engizilgen ózgeriske sáıkes, endi partııalyq saılaý tizimindegi adamdardyń 30 paıyzy mindetti túrde áıelder men 29 jasqa deıingi jastar bolmaqshy.
«Bul prıntsıp partııalardyń ózara básekelestigin, aımaqtarda máslıhat jumysynyń ári qaraı belsene túsip, partııalardyń jaýapkershiligin arttyrýǵa múmkindik beredi», – dedi Alýa Joldybalına.
Sonymen qatar, jıynda Eýrazııalyq ıntegratsııa ınstıtýtynyń sarapshysy Qazbek Maıgeldınov elimizdegi saılaýaldy sharalardyń barlyǵy zań aıasynda ótip jatqanyn atap ótti.
«Qazirgi tańdaǵy saılaý aldyndaǵy úgit-nasıhat sharalary barysynda jańa tehnologııa tıimdi qoldanýda. Sonyń biri, áleýmettik jeliler der edik. Baıqap otyrǵanymyzdaı, mańyzdy saıası dodaǵa áleýmettik jeliler arqyly ún qosyp jatqandar az emes. Búgingi kún el turǵyndarynyń saıası belsendiligi artyp keledi. Jalpy bes partııaǵa da birdeı múmkindikter berilgen. ıAǵnı, bul bizdiń elimizdiń demokratııalyq baǵytta kele jatqanyn taǵy bir aıǵaqtaı túsedi», – dedi Qazbek Maıgeldınov.
Al, Eýrazııalyq ıntegratsııa ınstıtýtynyń sarapshysy Dına Áıkenova azamattar men memlekettik organdar arasynda keri baılanys ornatylyp jatqanyna toqtaldy.
«Sońǵy kezderi azamattar men memlekettik organdar arasynda keri baılanys ornatý trendine toqtalǵym keledi. Muny biz memlekettik organdardyń áleýmettik jelilerge kóshýinen baıqap otyrmyz», - dep atap ótti Dına Áıkenova.
Alýa Joldybalına atap ótkendeı, elimizde 216 okrýgten usyný kezeńiniń sońynda: 56 okrýgte 3 partııalyq tizim, 137 okrýgte – 4 tizim, 23 okrýgte – barlyq 5 saıası partııalardyń tizimderi usynylǵan. Partııalyq tizimderge 8334 úmitker kiredi, onyń ishinde 3721 – áıelder men 29 jasqa deıingi azamattar.
Dóńgelek ústel barysynda Kóshetaý qalasyndaǵy zııaly qaýym jáne úkimettik emes uıymdarynyń ókilderi, joǵary oqý oryndarynyń oqytýshylary men jastar ókilderi ózderiniń usynys-pikirlerin ortaǵa salyp, aldaǵy saılaýdy uıymshyldyqpen ótkizýge shaqyrdy.
