Kókshetaýda saıajaıdaǵy tártipti atty polıtseıler baqylaıdy
KÓKShETAÝ. QazAqparat - Kókshetaý polıtsııanyń atty áskerı vzvody saıajaı ýchaskelerinde qoǵamdyq tártiptiń saqtalýyn qadaǵalaý qyzmetine kiristi, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, Kókshetaý qalalyq PB patrýldik polıtsııa batalonynyń kavalerlik vzvody 2016 jyly qurylyp, sodan beri jyl saıyn jazda jumys isteıdi.
«Vzvod menshiginde 33 at bar. Olardyń barlyǵy úıretilgen jáne sertıfıkaty bar. Vzvod saıajaı ýchaskelerinde turaqty mekenjaıy joq qańǵybastardyń urlyq jasamaýyn qadaǵalaıdy. Ásirese, adam kóp jınalatyn jerde qoǵamdyq tártiptiń saqtalýyn qamtamasyz etýde atty polıtsııanyń tıimdiligi joǵary», - deıdi vedomstvodan.
Aıta ketýi kerek, ótken jyly Kókshetaý qalalyq PB patrýldik polıtsııa batalonynyń kavalerlik vzvody 800 astam ákimshilik quqyqbuzýshylyqty anyqtap, usaq buzaqylyq jasaǵan 50 astam tulǵany ustady jáne 20 jýyq qylmystyq betin ashty. Kavalerlik vzvod jyl sońyna deıin táýlik boıy patrýlge shyǵatyn bolatyn.
