Kókshetaýda saýnadan órt shyǵyp, qyzmetkerler qaýipsiz jerge shyǵaryldy
ASTANA. 29 mamyr. QazAqparat - Kókshetaýda saýnalardyń birinde ot tutanyp, onyń qyzmetkerleri qaýipsiz jerge shyǵaryldy.
Bul týraly QR TJM baspasóz qyzmetinen habarlady.
28 mamyr kúni Kókshetaý qalasynda Býdennyı kóshesinde ornalasqan «Býrabaı» sport saraıyndaǵy saýnadan órt shyqty. Tilsiz jaý 4 sharshy metr aýmaqty jaıpady. Oqıǵa ornynan 10 qyzmetker qaýipsiz aýmaqqa kóshirildi. Abyroı bolǵanda japa shekkender joq.
Órtti aýyzdyqtaýǵa QR TJM Aqmola oblystyq TJD órt sóndirý qyzmetiniń 20 mamany men 7 tehnıkasy jumyldyryldy.
