Kókshetaýda saýda úıine «bomba qoıǵan» adam izdestirilip jatyr

KÓKShETAÝ. QazAqparat – Kókshetaýda saýda, oıyn-saýyq ortalyǵynyń aýmaǵyna jarylǵysh zat qoıylǵandyǵy týraly habarlaǵan adam izdestirilýde, dep habarlaıdy QazAqparat tilshisi.

Aqmola oblysy Polıtsııa departamenti baspasóz qyzmetiniń málimetinshe, saýda, oıyn-saýyq ortalyǵynyń aýmaǵyna jarylǵysh zat qoıylǵandyǵy týraly aqparat túsken. Osyǵan baılanysty adamdar evakýatsııalandy.

«Jarylǵysh zattarmen jumys isteıtin tehnık-mamandar ǵımaratty tekserip shyǵyp, qaýipti zatty tappady. Qazirgi kezde jalǵan habar bergen adamdy anyqtaý boıynsha jedel-izdestirý sharalary júrgizilip jatyr», - dep túsindirdi QazAqparat tilshisiniń saýalyna vedomstvonyń baspasóz qyzmetinen.

Aıta ketsek, Kókshetaýdaǵy saýda, oıyn-saýyq ortalyǵynan adamdardyń evakýatsııalanyp jatqandyǵy týraly vıdeo áleýmettik jelide taraǵan bolatyn.