Kókshetaýda saýda úıindegi «bombaǵa» baılanysty 100-ge jýyq adam evakýatsııalandy
KÓKShETAÝ. QazAqparat - Kókshetaýda belgisiz bireý «Arbat» saýda úıine «bomba» qoıylǵandyǵyn habarlady.
Osyǵan baılanysty saýda úıinde bolǵan 100-ge jýyq adam evakýatsııalandy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, keshki saǵat 20:33-te Aqmola oblystyq Polıtsııa departamentiniń kezekshilik bólimine jergilikti Tótenshe jaǵdaılar departamentinen aqparat tústi. Onda TJD-ne belgisiz bireý «Arbat» saýda úıine «bomba» qoıylǵandyǵyn telefon arqyly habarlap aıtqan.
«Aıtylǵan jerge jedel- tergeý toby, kóliktegi jáne jaıaý polıtsııa qyzmetkerleri jetti. Barlyǵy 100-de jýyq adam evakýatsııalandy. Polıtsııa qyzmetkerleri men jarylǵysh zatpen jumys isteıtin mamandar «bombany» izdestirýde. Sonymen birge, jarylǵysh zat týraly habarlaǵan adamdy anyqtaý boıynsha jedel-izdestirý sharasy qolǵa alyndy» , - dedi vedomstvodan.
