Kókshetaýda saýda úıi órtendi
KÓKShETAÝ. QazAqparat - Kókshetaýda saýda úıinde órt tutandy, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«20 mamyr kúni 12:35-te Ábilqasymov kóshesi, 95 «A» mekenjaıynda ornalasqan eki qabatty «Trıýmf» saýda úıiniń shatyry jandy. Órt 13:05-te aýyzdyqtalyp, 13:22-de tolyqtaı sóndirildi. Órt saldarynan ǵımarattyń syrty búlingen. Jalyn 400 sharshy metr aýdandy sharpydy», - delingen habarlamada. 
35 adam evakýatsııalandy. Qurban bolǵandar joq, eshkim zardap shekpegen.
Kýágerler oqıǵanyń vıdeosyn jelige jarııalady.
