Kókshetaýda saýda úıi men qoǵamdyq tamaqtaný orynynyń jumys ýaqyty uzartyldy
KÓKShETAÝ. QazAqparat - Aqmola oblysynda koronavırýs ınfektsııasynyń taralýy boıynsha epıdemıologııalyq jaǵdaı turaqtana bastady. Sol sebepti, óńir qaýiptilik boıynsha sary aımaqqa ótti. Bul týraly óńirdiń bas sanıtarlyq dárigeri Aınagúl Mýsına brıfıngte aıtty, dep habarlaıdy QazAqparat tilshisi.
Aınagúl Mýsınanyń aıtýynsha, qarashanyń 11 - 17 kúnderi aralyǵynda óńirde koronavırýs ınfektsııasyn juqtyrýdyń 258 jaǵdaıy tirkeldi. Bunyń aldyndaǵy apta da bul kórsetkish – 271 jaǵdaı boldy.
«Óńirlik jedel shtabtyń otyrysynda kásipkerlerdiń karantındi kúsheıtý kezinde jumys rejımin uzartý týraly usynys qaraldy. Shtab jumysynyń qorytyndysy boıynsha azyq – túlik dúkeniniń jumysy tańǵy saǵat 7:00 den keshki 20:30 uzartyldy. Saýda-oıyn saýyq ortalyǵy, saýda nysandary, azyq- túlik emes dúkender, jabyq bazarlar jumys kúnderi saǵat 10:00-20:30 aralyǵynda jumys istep, jeksenbi kúni qurylys taýarlary men qosalqy bólshek satatyn dúkenderdi qospaǵanda jabyq bolady. Ala, qoǵamdyq tamaqtaný oryny jumys kúnderi 9:00-20:30, senbi kúni 10:00-20:30 aralyǵynda jumys isteýge ruqsat etiledi. Tapsyrys boıynsha tamaq jetkizip berý «STOP CORONA» saıtyna tirkelý arqyly saǵat 23:00-ge deıin ruqsat etiledi. Sonymen birge, fıtnes ortalyqtary men jattyǵý zaldary jumys kúnderi 7:00-20:30-ǵa deıin bolady», - dedi Aınagúl Mýsına.
Budan bólek, óńirdiń bas sanıtarlyq dárigeri Kókshetaý qalasynyń karantın aýmaǵyna kirerde oblysta turmaıtyn taǵamdyq ónimderdi shyǵarýshylar men aýyl sharýashylyǵy taýarlaryn óndirýshilerdiń jaramdyq merzimi 30 táýlikten aspaǵan PTR ádisi boıynsha COVID-19- test týraly anyqtama usynýy qajettigin atap ótti. Sondaı-aq, «STOP CORONA» saıtyna tirkelýi tıistigin de eske saldy.
Oblystyń bas sanıtarlyq dárgeriniń karantın shekteýi týraly № 170 qaýlysyna engizilgen ózgeris búgin saǵat 21:00-den keıin kúshine enedi.
