Kókshetaýda sándik-qoldanbaly óner sheberleriniń kórmesi ótedi
KÓKShETAÝ. QazAqparat - Kókshetaýda Elbasynyń «Bolashaqqa baǵdar: rýhanı jańǵyrý» maqalasyn júzege asyrý sheńberinde «Sheberler qalasy: ata-babamyzdyń murasyn saqtaımyz jáne damytamyz» oblystyq sándik-qoldanbaly óner sheberleriniń kórmesi ótedi, dep habarlaıdy QazAqparat tilshisi.
Ónerpaz daryndy balalarmen jumys júrgizý jónindegi oblystyq oqý-ádistemelik ortalyǵynyń uıymdastyrýymen ótetin shara 2019 jylǵy qazannyń 10-y kúni saǵat 10:00-ge josparlanyp otyr.
Kórmege qosymsha bilim berý uıymdarynyń jáne jalpy bilim beretin mektepteriniń 11-17 jas aralyǵyndaǵy mektep oqýshylary men olardyń jetekshileri, Sýretshiler Odaǵynyń ókilderi, óner súıer qaýym, BAQ ókilderi qatysady.
Jeńimpazdar «Jaramsyz materıaldardan jasalǵan buıym», «Tabıǵı materıaldardan jasalǵan buıym», «Turmysqa arnalǵan kreatıvti buıymdar», «Ulttyq kolorıti bar ıntererdiń erekshe dızaın-jobasy: úıdiń, bólmeniń, saıajaıdyń, landshaftynyń jáne t.b.», «Matadan jasalǵan buıymdar (quraq tehnıkasy, jumsaq oıynshyq jáne t.b.)», «Óńirdiń kórkemdik jáne halyqtyq qolóneri» tárizdi alty atalym boıynsha anyqtalyp, eń taýdaýlysy aǵymdaǵy jyldyń 2-3 qarashasy aralyǵynda Shymkent qalasynda ótetin respýblıkalyq baıqaýda baq synaıtyn bolady.
