Kókshetaýda salynatyn JEO qurylysyna tender ótkiziledi
««Elektr energetıkasy týraly» Zańnyń 15-6 babyna sáıkes «Kókshetaý qalasynda JEO salý» jobasy boıynsha jańadan paıdalanýǵa beriletin generatsııalaıtyn qondyrǵylardy (jańa elektr stantsııasy) salýǵa tender ótkizedi. Jańa jylý-elektr ortalyǵy elektr jáne jylý energııasyn óndirý úshin salý josparlanǵan» delingen habarlamada.
Ázirlengen tehnıkalyq-ekonomıkalyq negizdemege (TEN) sáıkes jańa elektr stantsııasynyń talap etiletin tehnıkalyq parametrleri: elektr qýaty – keminde 240 MVt; jylý qýaty – keminde 520 Gkal/saǵ.
Jylý-energııa ortalyǵynyń qurylysyn 2 kezeńge bólý qarastyrylady.
TEN-de kórsetilgen tehnıkalyq sıpattamalar boıynsha tolyq aqparatpen tanysý úshin osy siltemege ótý qajet.
Tender «Elektr energetıkasy týraly» QR Zańyna jáne Jańadan paıdalanýǵa beriletin generatsııalaıtyn qondyrǵylardy salýǵa tender ótkizý qaǵıdalaryna sáıkes ótkiziletin bolady.
«Tenderdi ótkizý jáne jobany iske asyrýǵa qatysty suraqtardy 2022 jyldyń 31 mamyryna deıin baılanys telefony 87172 74-06-03, 87172 74-11-55 nemese a.tukenov@energo.gov.kz jáne murat.abulkalykov@energo.gov.kz elektrondyq poshtasyna jiberýlerińizdi suraımyz», - delingen Qazaqstan Respýblıkasy Energetıka mınıstrliginiń baspasóz qyzmetiniń habarlamasynda.
