Kókshetaýda «Rýhanı jańǵyrý» baǵdarlamasyn júzege asyrýǵa atsalysqandar marapattaldy
Jıynǵa Aqmola oblysy ákiminiń orynbasary Aına Mysyrálimova, oblystyq ishki saıasat basqarmasynyń basshylary, óńirdegi aýdan jáne qala ákimderiniń orynbasarlary, ishki saıasat bólimderiniń ókilderi, buqaralyq aqparat quraldarynyń qyzmetkerleri qatysty.
Jıyndy ashqan Aqmola oblystyq ishki saıasat basqarmasy basshysy Gúljanar Shókeeva «Rýhanı jańǵyrý» baǵdarlamasy boıynsha óńirimizde qyrýar jumystyń tyndyrylǵanyn atap kórsetti.
Solardyń eń bastylary Sandyqtaý, Býrabaı, Jaqsy, Tselınograd, Bulandy aýdandary men Stepnogorsk qalasynda shoǵyrlanǵandyǵyn aıta ketken jón.
«Sandyqtaý aýdanynda «Týǵan jer» kishi baǵdarlamasy sheńberinde metsenattardyń arqasynda 25-ten astam nysan jóndelip, jańadan salyndy. Stepnogor qalasynda áleýmettik máseleni sheshýge úkimettik emes uıymdar belsene qatysýda. Onyń ishinde «Lých» qoǵamdyq birlestigi «Tanym» syılyǵymen marapattalyp otyr. Býrabaı aýdanyndaǵy Abylaı han alańynda Elbasynyń qatysýymen «Birjan-Sara» operasy qoıyldy. Jaqsy aýdanynda birinshi bolyp «Rýhanı jańǵyrý» kabıneti ashyldy. Baýbek batyrdyń 180 jyldyǵyna arnalǵan halyqaralyq konferentsııa uıymdastyryldy. Gýmanıtarlyq baǵyttaǵy «Qazaq tilindegi 100 jańa oqýlyqtyń» on segizi Jaqsy mektepterine berildi. Tselınograd aýdanynda «Atameken» kishi baǵdarlamasy oıdaǵydaı júzege asyrylýda. Bulandy aýdanynda kóptegen sharýalar atqarylyp jatyr. Sonymen qatar bilim, mádenıet salasynda kóptegen sharalar nazardan tys qalmaǵan. Oblysymyz rýhanı qundylyqtary da mol óńir sanalady. Sondyqtan da «Rýhanı jańǵyrý» baǵdarlamasy boıynsha bıylda úlken úles qosatynymyzǵa nyq senimdimiz»,- dedi Gúljanar Shókeeva.
Budan keıin sóz alǵan oblystyq ishki saıasat basqarmasynyń úkimettik uıymdarmen jáne saıası partııalarmen jumys júrgizý bóliminiń basshysy Serik Sádýaqasov, aqparattyq saıasat bóliminiń basshysy Dınara Jakeeva, qoǵamdyq-saıası jaǵdaıǵa monıtorıng bóliminiń bas mamany Maral Bákibaeva jáne qoǵamdyq-saıası jumys bóliminiń basshysy Málik Ahmetqalıev óz salalary boıynsha atqarylǵan jumystar týraly aıtyp, aldaǵy mindetterge keńinen toqtaldy.
Jıynda «Rýhanı jańǵyrý» baǵdarlamasy sheńberinde júzege asyrylyp jatqan sharalardy buqaralyq aqparat quraldary betterinde keńinen nasıhattaý týraly da usynys aıtyldy.
«Óńirde «Rýhanı jańǵyrý» baǵdarlamasyn júzege asyrý boıynsha 2018 jyly qyrýar jumystar atqaryldy. Bıylǵy jylda da bul baǵytta birlesip, eńbek etetinimizge senimdimin. Əsirese, Elbasynyń «Rýhanı jańǵyrý» baǵdarlamasymen birge, «Uly dalanyń jeti qyry» maqalasyndaǵy mindetterdi halyqqa jetkizetin bolamyz. Sondaı-aq, ústimizdegi jyly «Jastar jylyna» basa mán berilýi kerek»,- dedi oblys ákiminiń orynbasary.
Jıyn sońynda Aına Mysyrálimova 2018 jyly «Rýhanı jańǵyrý» baǵdarlamasyn júzege asyrýǵa eleýli úlesterin qosqan birqatar aýdan jáne qala ákimderiniń orynbasarlary men baspasóz hatshylaryn Alǵys hat jáne baǵaly syılyqtarmen marapattady.
