Kókshetaýda Rýdnyıdaǵy kisi ólimine qatysy bar dep aıyptalǵan kúdiktiler ustaldy

ASTANA. KAZINFORM – 24 qańtarda Kókshetaý qalasyndaǵy jedel-izdestirý operatsııasy barysynda Qostanaı oblystyq polıtsııa departamentiniń qyzmetkerleri oblystyq prokýratýramen birlesip, Rýdnyıda jasalǵan kisi óltirýge qatysty eki kúdiktini ustady, dep habarlaıdy Kazinform agenttigi.

Buǵan deıin habarlanǵandaı, 23 qańtarda Rýdnyı qalasynyń 19 jastaǵy turǵyny kópqabatty úıdiń kireberisinen pyshaq jaraqatymen tabyldy. Qylmystyq is qozǵalyp, tergeý júrgizilip jatyr.

Aldyn ala aqparat boıynsha, kúdiktiler jábirlenýshimen tanys bolǵan. Qaıǵyly oqıǵa jeke janjaldan týyndaǵan. Qazirgi ýaqytta qajetti tergeý is-sharalary júrgizilip, oqıǵanyń mán-jaıy anyqtalyp jatyr.

Eske sala keteıik, buǵan deıin Qostanaı oblysynda Rýdnyı qalasynyń 19 jastaǵy turǵynyn óltirdi degen kúdik boıynsha eki adam izdestirilip jatqanyn habarlaǵanbyz.