Kókshetaýda «Qnet» qarjy pıramıdasynyń basshylary 2 aıǵa qamaldy
Aqmola oblysy boıynsha Qarjy monıtorıngi departamenti baspasóz qyzmetiniń málimetinshe, jedel izdestirý is-sharalaryn júrgizý barysynda Kókshetaý qalasynyń aýmaǵynda «Qnet» halyqaralyq kompanııasy ónimderiniń ınternet-saýdasyn jamylyp jumys istegen qarjy pıramıdasynyń basshylary tobyna qatysty sotqa deıingi tergeý bastaldy.
«Qylmystyq isti tergeý aıasynda kúdiktiler Qylmystyq protsessýaldyq kodekstiń 128-baby tártibinde ustalyp, Kókshetaý qalalyq PB ýaqytsha qstaý oqshaýlaǵyshyna qamaldy. Sonymen birge, Kókshetaý qalasynyń mamandandyrylǵan tergeý soty kúdiktilerge qatysty 2 aı merzimge «kúzetpen ustaý» bultartpaý sharasyn sanktsııalady. Ózge aqparat Qylmystyq protsessýaldyq kodekstiń 201-baby tártibinde tergeý múddesinde jarııa etilmeıdi», - dedi vedomstvodan.
Aıta ketsek, budan buryn Aqmola oblysynda jer qatynastary salasynyń qyzmetkeri alaıaqtyq kúdigine ilingen edi.
