Kókshetaýda psıhıkalyq aýytqýy bar 54 jastaǵy erkek kólik urlady
KÓKShETAÝ. QazAqparat – Kókshetaýda psıhıkalyq aýytqýy bar er adam kólik urlady, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, jeltoqsannyń 5-de saǵat 10:00 shamasynda Kókshetaý qalalyq patrýldik polıtsııa batolonynyń qyzmetkerleri Borovskoı shaǵyn aýdanynda Shevchenko kóshesiniń shetinde turǵan kólikti baıqaǵan.
Kólikke jaqyndap, júrgizýshini sózge tartqanda ol kólik qozǵaltqyshynyń óship qalǵanyn aıtqan. Osy kezde tártip saqshylaryna kólik urlanǵany eskertildi.
Urlanǵan kóliktiń memlekettik nómiri men atalmysh kóliktiń nómiri sáıkes kelgen. Tártip saqshylary júrgizýshiden kóliktiń qujattaryn suraǵanda ol ony úıde umytyp ketkenin aıtady.
«Anyqtalǵandaı, jeltoqsannyń 5-de kezekshi bólimge Kókshetaý qalasynyń 36 jastaǵy turǵyny habarlasyp, belgisiz bireýdiń ıÝbıleınyı shaǵynaýdanyndaǵy dúkenniń aldynda turǵan «Audi-80» mashınasyn minip ketkenin aıtty. Keıin kólik urlaǵan 54 jastaǵy jergilikti turǵynnyń «psıhıkalyq aýytqý» dıagnozymen dıspanserlik esepte turǵany belgili boldy» deıdi vedomstvodan.
Polıtsııa osy oqıǵaǵa baılanysty is qozǵap, sotqa deıingi tergeý sharalaryn qolǵa aldy. Tergeý amaldary jalǵasyp jatyr.
