Kókshetaýda poıyz 37 jylqyny qaǵyp ketti
KÓKShETAÝ. QazAqparat – Aqmola oblysynda júk poıyzy bir úıir jylqyny qaǵyp ketti, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.
«7 naýryz kúni saǵat 04.55-te Kókshetaý stansysyndaǵy Jelilik polıtsııa bólimine «Qaraǵaı-Ýgolkı» aralyǵynda júk poıyzynyń mashınısi
37 jylqyny qaǵyp ketýine baılanysty shuǵyl tejeýge májbúr bolǵany habarlanǵan. Oqıǵa ornyna Kókshetaý stansysyndaǵy jelilik polıtsııa bóliminiń jedel-tergeý toby shyqty», - delingen aqparatta.
Kólik polıtseıleri júrgizgen sharalardyń nátıjesinde jylqylardyń ıesi - Aqmola oblysynyń 43 jastaǵy turǵyny anyqtaldy. Ol QR ÁQBtK-niń 559-babynyń 1-bóligi (temirjol boıynda mal jaıý) boıynsha ákimshilik jaýapkershilikke tartylyp, oǵan 5 AEK kóleminde aıyppul salyndy.
