Kókshetaýda poshta bólimshesin tonaǵandar ustaldy
KÓKShETAÝ. QazAqparat - Kókshetaýda «Qazposhta» AQ bólimshesin tonaǵandar ustaldy, dep habarlaıdy QazAqparat tilshisi.
Eske sala keteıik, qazannyń 3-i kúni saǵat 11:00-derde Kókshetaý qalasynyń irgesindegi Zastantsıonnyı kentinde belgisiz bireýler «Qazposhta» AQ bólimshesin tonaǵan bolatyn.
Qaraqshylar qoldaryna ustaǵan tapanshaǵa uqsas zatpen poshta qyzmetkerlerdi qorqytyp, kassadan 1 mıllıon teńgeni úptep ketti.
Osy oqıǵaǵa baılanysty QR QK 192 babynyń 2 bólimi boıynsha (qaraqshylyq) qylmystyq is qozǵalyp, qaraqshylardy izdestirý sharalary qolǵa alyndy.
«Nətıjesinde oblys ortalyǵynyń 25-30 jas aralyǵyndaǵy eki turǵyny qolǵa tústi. Olardan oıynshyq tapansha, medıtsınalyq maska, kıim keshek jəne aqsha tərkilendi. Kúdiktilerdiń biri osyndaı qylmysy úshin sotty bolǵan», - dep túsindirdi ІІD baspasóz qyzmetinen.
